GU GEU AZTERTZAILE

Larraitzek, ardiaren bihotza, birikak eta gibela ekarri zizkigun. Dena izan genuen esku artean. Batzuk ausartagoak izan ziren eta zintzurrestetik putz egin zuten. Ikaragarri polita izan zen birikak nola puzten ziren ikustea. Beste batzuk berriz, kuterrarekin bihotzeko ezker eta eskuin aldeak bereiztu zituzten.

ODOL EMAILEEN ELKARTEAREN BISITA

Aurreko astean, ostegunean eta ostiralean, Gipuzkoako Odol Emaileen Elkatekoak izan ziren ikastolan, gure geletan, odolaren inguruan tailer bat ematen. Etorri ziren bi erizainek, ematen ari garen unitatearekin guztiz lotuta zegoen gaiarekiko izugarrizko interesa sortu zuten, oso modu atseginean azaldu zigutelako guztia: 

Nola kalkulatu gure bihotz taupadak eta zenbat odol daukagun gorputzean, ze garrantzia duen odol emailea izatea, odol taldearen arabera zeini eman diezaiokegun odola eta zeinek eman diezaguken guri...

 

URRELUR MUSEOA

Oso interesgarriak eta gomendagarriak izan dira,  Urrelur museora eta Juan Lizarazu erakusketa aretora egindako bisitak. Izugarrizko zortea daukagu, herrian bertan horrelako kalitatea duen museo bat izateagatik!

 Horra hor "Carcharodon Megalodon" marrazoaren ahoaren erreprodukzioa, duela milioi bat urte desagertu omen zena.